Marit Myking

Marit Myking (1953-2013) var på 1970- og 80-talet aktiv i ulike organisasjonar på venstresida, og då særleg i feministiske og homofile organisasjonar. Ho var mellom anna med i Kvinnefronten – der ho var med på å skipa «homofil kvinnefrontgruppe» – og i Arbeidsgrupper for homofil frigjøring (AHF). Ho spelte også ei viktig rolle i tidsskriftet Løvetann, der ho sat i redaksjonen frå 1989 til 2001.

Myking var utdanna bibliotekar og mellomalderhistorikar. Ho var i 1993 medforfattar på boka KITAB – Om kulturer, folkegrupper, språk og land, utg. av Statens bibliotektilsyn. I 1998 tok ho master i vikingtid og nordisk middelalder med oppgåva "Vart Noreg kristna frå England? Ein gjennomgang av norsk forsking med utgangspunkt i Absalons Tarangers avhandling Den angelsaksiske kirkes indflydelse paa den norske (1890)". Ho arbeidde ei tid på Senter for mellomalderstudiar ved Universitetet i Oslo og seinare nokre år i redaksjonen for tidsskriftet Levende historie. I hovudsak arbeidde ho likevel mest som manuskriptrettar og språkvaskar for ulike forlag, t.d. Pax, Oktober og Spartacus.

Marit Myking sitt arkiv er ein del av Skeivt arkiv sine samlinger.