Boklansering: Skeiv lokalhistorie
Facebook-arrangementet for boklanseringen
Dette er den første forskingsbaserte antologien om skeiv historie i Noreg. Trass i at skeiv historie er eit lite utforska felt i Noreg har det lukkast å samla 16 kapittel basert på aktuell forsking frå Noreg, Island, Sverige og Finland.
Då Dag Hunstad blei leiar for Norsk lokalhistorisk institutt var det med ein ambisjon om å satsa på skeiv lokalhistoria. Lokalhistorie er i Noreg eit felt der stadig nye grupper og perspektiv har blitt inkludert, men dei skeive perspektiva hadde i stor grad mangla. Skeivt arkiv blei på eit tidleg tidspunkt invitert inn for å bidra til denne satsinga, og ein milepæl i samarbeidet var seminaret "Skeiv lokalhistorie – hvordan og hvorfor?" som blei halde på Nasjonalbiblioteket 31. oktober 2019.
I forlenginga av dette blei arbeidet med boka Skeiv lokalhistorie starta og redaksjonen kom til å bestå av Dag Hundstad og Marthe Glad Munch-Møller frå NLI og Runar Jordåen og Tone Hellesund frå Skeivt arkiv og Universitetet i Bergen. Hundstad var leiar for NLI frå 2018 til april 2022, og er historikar som mellom anna har forska på regional identitet og maritim historie. Munch-Møller er historikar og har vore ei drivande kraft i NLI si satsing på skeiv lokalhistorie, noko som mellom anna har resultert i mange artiklar om tematikken på Lokalhistoriewiki. Runar Jordåen er historikar med skeiv historie som spesialfelt og er førstebibliotekar ved Skeivt arkiv. Tone Hellesund er professor i kulturvitskap ved Universitetet i Bergen. Ho er grunnleggar av Skeivt arkiv og medlem i arkivet si rådgjevingsgruppe.
Boka kan kjøpast på Nasjonalbiblioteket. Digital versjon, fritt tilgjengeleg: